حب كان

حبيتها اول ما شفتها مش عارفة كان فيه احساس جميل اوي الحب التيك أواي ده إحنا بنسميه حب و بتكون اعراضة جامده اوي لكن قي نالحقيقة مش هو ده الحب ,هي شدتني أوي من اول لحظة و المصيبة انه بان علية على طول مكنتش عارفة أخبي لزقتلها و كانت عيوني على طول عليها كنت بكلمها ميت مرة في اليوم و بسأل عليها كل شوية و مرة جبتلها ورده حمرا و وقفت أستناها بعد المحاضرة على السلم إدتها الوردة و هي فرحت أوي بس مكنتش عرفة هي فهمة ولا لاء كنت بحكلها كل حاجة و بحكلها عن الواد اللي كان هو كمان لازقلي و عايز يطلب إيدي للجواز و كنت باخد رايها اعمل معاه إيه و هي كانت بتقولي أنه واد كويس و حلو و ينفع اوي
طبعا انا كانت دماغي مش في حد غيرها و هي كمان كانت بتحكي لي على الولاد اللي بيحبوها كنا بنقعد مع بعض كتير اوي و نتكلم و نضحك و نعيط ساعات و بعد شوية هي حسيت انى مش معتبرها بس صحبتي و قي يوم قلتلها أني بحبها قالت لي أنها عارفة و انها حسيت من أول يوم بكده .
كانت رقيقة أوي و حنينة قي كلامها معايا قالت لي أنها معندهاش مانع ابدا اني اكون مثلية يعني لازم نفضل صحاب و هي بتحبني زي ما انا كده و ان حبي ليها بالشكل ده حاجة جميلة هي بتقدرها و بتشكرني عليها و من غير ما تكمل انا قلت لها اني عارفة ان حبي ده من طرق واحد لانها بتحب حد تاني قالت لي أه بحب حد تاني و طلع راجل لكن كان ممكن يكون انتي صدمتني بكلمها ده بس صدمة كويسة و من ساعتها أحنا صحاب لسه و حبها عمري مانسيته و مش حنساه و هي الوحيدة اللي قبلتنب زي ما انا و قبلت حبي ليها (بجد اصعب حاجة الفراق و ان الحب الى من القلب يضيع,كتير من الناس مش مقدرة معنى الحب ولا قيمته,بس لو فعلا ماحدش قدره,فالحب جواهم غصب عنهم و هما مش حاسين,و فى يوم حيعرفوا قيمته الى مالهاش ثمن

روروووو