العنوان مش واضح اوى , بس الى انا عايزة اتكلم فيه تعتبر قضية رأى و الى جاب الموضوع دة فى دماغى مسلسل بيتكلم عن الزنا و الضياع و نظام انا رايحة اذاكر يا ماما , ربنا يوفقك يا حبيبتى
ولما تعرف مذكرتها دى كانت ايه
ماحدش ساعتها يحب يطلع نفسو غلط
والى اغرب من كدة , ان مش لازم يكونوا اغني الاغنياء عشان على طول نرمى عالشماعة الفلوس و المظاهر
بيكونوا ناس محترمة و بعض الأحيان متدينين
طب منين دة و منين دة؟؟
هو بقى دة سؤالى و الى هو العنوان
السبب فى دة الأهل ام المجتمع؟؟؟
انا عن نفسى من رأى المجتمع
لأنه غير ناس كتير و افكار اكتر و اى حد دلوقتى بيتأثر بالحوليه تأثير واضح
و فى نفس الوقت انا مش بنفى مشؤلية الأهل , يعنى ولا معاهم و لا ضدهم
و لو حنقول الأهل السبب
طب المطلوب اية ؟؟ البنت تيجى فى سن معين تتحبس فالبيت ولا مذكرة ولا خروجات عشان مايكونش الغلط عالأهل؟؟
بس قبل مختم البوست دة بجد عايزة اشكر كل الى كتبوا تعليقات على البوست الى فات
من قلبى وانا اسفة جدا عشان مرديتش عليها بس زى ماهو واضح ان الأيام الى فاتت كانت من اغبى مايمكن
مش عايزة ارغى كتيير بس الموضوع الى كتبتوا النهاردة فعلا لفت نظرى اوى و حبيت اعرف اجابت سؤالى
10 comments:
رورو ازيك
اولا يا رب تكوني دلوقتي بخير و احسن دايما
وانا سعيد جدا بوجودي في المدونه
ثانيا و ده الاهم
الغلط مش على الاهل و المجتمع بس
لأن احنا مش نتاج دول و بس
ليه نسيتي نفسنا...ده عامل مهم جدا
وخلينا نعتبر ان الميديا ركن من اركان المجتمع
المجتمع ده وسط كبير احنا عايشين فيه
فيه مؤثرات كتير جدا بتهزنا و تكسرنا و تغرنا و تشقلبنا و تبدل بينا الحال من شرق لغرب
لكن احنا فين من الكلام ده؟؟؟
هو ده دور " نفسنا " اللي قلت عليه
احنا لما بنكبر بنقا عارفين الصح من الغلط عارفين مصلحتنا من غلطنا
لكن احنا بنتحجج بغلط التربيه و نرمي نفسنا فب الغلط ونلوم عليهم والناتج الظاهري.... فعلا بيكونوا غلط
رورو الموضوع مش بيالبساطه اللي نتكلم عنه ف بوست واحد
ده محتاج عمر لوحده علشان نصلح فيه
اولا الاسره...زمننا دلوقتي غير زمن اهلنا كتير....هما بقوا يقلقوا علينا جدا لدرجه انهم بيشكوا فينا
عايزين يراقبونا حتى و احنا نايمين
طريقه التربيه كمان كارثه كبيره كتير من الاهل بقوا يقعوا فيها
لو فقدوا الثقه فينا هنفقد كل حاجه
حتى اعز ما نملك
المشكله ليها اكتر من طرف
بس حلها سهل..وصعب جدا
حلها ان اهلنا يعاملونا بزمننا ..بدماغ اليومين دول
مش بدماغ الطربوش و قرشين صاغ
والمشكله ان الطبع بيغلب و الكبير صعب يتغير...وده بيطلب مننا مناورات مع الاهل و ذكاء و صبر و حاجات كتيير جدا
انا اسف للتطويل...بس لسه في كلام
تحياتي
فى الموضوع ده مش ممكن نحمل المسئوليه لحد ان كان المجتمع او الاهل بشكل مفرد يبقى غلط
تعالى نحسبها صح وفى البدايه نشاءه الانسان وقبل الدخول فى نسيج المجتمع بتكون فى الاسره وهى الى بتاسس يا ام تاسئس صح يا غلط ولو اسئست وربت صح يبقى فى اللحظه دى البنت او الولد مش حيطلع وهو باصص للمجتمع وبيحاول يقلده صح او غلط
المجتمع مسئول طبعا لانى قيم الغط والصح بقيت مطاطه ومفيش ليها قواعد ثابته فمحدش قادر يميز الصح من الغلط واعلام مشوش وفتاوى على هو السائل مش على هوى الشرع
والبعض من الى بيغلط مش مسئول لانه بيكون زى الغريق بيتعلق بقشايه علشان يغلط فبيصدق ما حد بيقولوا ان ده صح يروح يعملها
الغلط في الاثنين لأنك لو اخدتي بالك هتلاقي ان الحالات دي هي حالات استغلال الثقة او استخدام الحرية بشكل خطأ وده معناه ان الاهل والمجتمع معلموش حد يعني ايه حرية ويعني ايه تحمل مسئولية كلنا بنفرض ان الحرية فوضى والدليل على كده انك اول ما تقولي لحد انك الولاد لازم يكونوا احرار هيقولك يعني يشربوا بانجو براحتهم؟؟ ونفس الحكاية للبنات لو كلمتيهم عن الحرية هيقولوك يعني نخرج مع ولاد براحتنا؟؟
منتهى التخلف بسبب عدم فهمنا يعني ايه حرية ويعني ايه مسئولية ودي في كل الطبقات الغنية والفقيرة
اسف على التطويل بس الموضوع مميز
تحياتي
عزيزتى
كويس محدش دخل وعلق يعنى ده نصيبى بقه
اقصد اكون رقم اربعه اصلى دخلت من شويه ومعلقتش وجيت اعلق اهو
اجابتى بصراحة مش الاهل ولا المجتمع
النفس
احنا ونفسنا اللى بنعمل فينا كده يا بنعلى نفسنا يا بنهينها
عارف ان الاهل ليهم دور بس فى ناس بنفس الاهل ومعملوش زى اللى بتغلط
وعارف ان المجتمع ليه دور بس كلنا عايشين فى المجتمع ده ومعملناش كده
صدقينى اللى جواه نفسه يغلط هيغلط حتى لوعايش فى جنه
واللى رافض الغلط عيفضل رفضه حتى لو عايش جواه هيبعد عنه
واكيد كلنا مش ملايكة وكلنا بنغلط وهنغلط
بس فرق بين اللى بيغلط مرة او اتنين وبين
اللى بيتمادا فى نفس الغلط وبيكرره وهو عارف انه غلط
احساسه مات نحيت اى غلط
الايام اللى فاتت اغبى مايمكن
المهم الغباء ما يستمرش
وانسى اى شئ يضيقك
تحياتى
سلام
الاهل والمجتمع وجهان لعمله واحده
والغلط على الاهل اكتر من المجتمع يعنى مش بنفى خطا المجتمع بس الاهل اخطاو لما سابو بنتهم تخرج مش معنى كده انهم يقفلو عليها او يحبسوها بس احنا فعلا بجد ممكن اهالينا ميكونوش عندهم خبره بالمجتمع اللى حواليهم ولا خبره بالحياه على الرغم من من انهم اكبر سنا وخبره بس فعلا احنا واهالينا محتاجين نتعلم يعنى ايه تربيه صح يعنى تعليم اولادنا فى اسس وقواعد والموضوع مش بيجى كده وخلاص خلفت عيل اربيه على مزاجى اه هربيه على مزاجى بس لو انا اعرف يعنى ايه تربيه هربيه صح وهعلمه صح وهديله ساعتها خبرتى اللى تحميه وتنتمى تفكيره وده ميمنعش انه بردو هيخطا بس بردو نعلمه ازاى يستفيد من خطاه عشان يعرف يعيش ويواجه المجتمع المتقلب اللى حوالينا
وتحياتى ليكى ولمدونتك ولمناقشتك موضوع محترم
أنا شايفة إن صحيح المجتمع بيأثر فيا.. و أهلي بيأثروا فيا.. بس في الآخر أنا المسئولة الوحيدة عن تصرفاتي .. أنا دايما شايفة إن كل واحد مسئول في الآخر عن تصرفاته
:)
تحياتي
أنا من رأي مصريه
:)
أتمني أنك تكوني بخير
تحياتي
أنا أتفق معاكي تماما ان العيب علي المجتمع لكن مش عشان الأهل مافيش عليهم عيب لكن عشان المجتمع مصطلح أشمل وأكيد الأهل من المجتمع أنا شايف ان سؤالك مالوش غير اجابه واحده هي المجتمع اللي الأهل جزء منه؟كمان لاننا مش بينتأثر بالأهل بس لكن بالأصدقاء والبيئه وكل شئ جوالينا حتي الناس اللي بيمشوا حوالينا في الشارع(المجتمع)أشكرك علي المدونه اللي كانت هتعميني وياريت تكبري الخط شويه وتوضحيه لكن أسلوبك جميل ودي مش أخر مرة هزور فيها مدونتك
الاهل
و المجتمع
و الظروف
و الناس
و..........
Post a Comment