القلب : دة حاجة بدق كل شوية , دايما مواديانى فى داهية , بيقولولى امشى ورا قلبى فمشيت ...... و يارتنى مامشيت
لاقيت انى لما امشى ورا حكون سعيدة اوى و مرتاحة , بس زى مانتوا عرفين طبعا السعادة و الراحة وجهان لدانيا واحدة
اما العقل : حاجة ساعات بتكون بالنسبة لى نفخ و ساعات مافيش مانع منه
الى انا كان نفسى اعرفه , امشى ورا دة ولا دة ؟؟؟؟
لاقيت انهم تقريبا حاجة واحدة عشان نعرف نعيش فالدنيا
بس بجد من الأيام الى فاتت دى
قدرت افهم حاجة
ان الحياه مابتديش محتاج
و ان بجد الدنيا لواحداها عذاب مش محتاجة موت , او يمكن يكون ارحم
يعنى , ممكن اقول عليها سفينة يا تودينا لبر امان , يا الحق نفسى و اتحصر انى جيت الدنيا دى
و كنت كتيير بحس انى غريبة اوى فيها
عشان عايزة حاجات ماتنفاعش فدنيا زى دى
انا محتاجة حب و حنان و عطاء و صدق , و الدنيا اصلا ماتعرفش حاجة فيهم
بس عالعموم انا مش حافضال فيها كتيير
و حغرق حغرق..............
8 comments:
700007عزيزتى
مالك بس ايه اللى وجعك قوى كده
حتى لو حاجه وجعاكى تقريبا اكتر من نصف البشر فى حاجات وجعاهم
وكلنا واخدين ال24قيراط بتوعنا
اللى ناقصه المال ربنا مديلة الصحة
واللى ناقصه الصحة ربنا مديلة اهل يحبوه
واللى ناقصه الحب ربنا مديلة مال يسعده ويسعد غيره بيه
اللى اقصده ان كلنا واخدين حقنا بس فيه ناس واخده اكتر من حقها كمان ومش عجبها
واللى ناقصة بقه كل حاجه ودايمن مصاب فى كل شئ يحمد ربنا ويقول ان عذابه فى دنيته هيتعوضله فى الاخره وده الاهم لان الاخرة فيها خلود
انتى تمشى ورا قلبك مع اللى يستاهل تتعملى بقلبك معاه وتمشى مع عقلك مع اللى يستاهل تسكتى قلبك واتشغلى عقلك معاه
انتى محتاجة حب وحنان وعطاء وصدق
ده كتير قوى
بس انتى ادى الحاجات دى لحد يستاهل
وصدقينى هتلاقى منه الحاجات دى
ولو اداكى حاجتين منهم وقصر شويه فى الباقى معلش ما احنا مش ملايكة
صدقينى فى ناس كويسة زى ما فى ناس وحشة بس للاسف مش بنعرف نختار الكويس ودايمن بيشدنا الوحش
كل ما تلاقى نفسك هتغرقى وشئ يضيقك او شخص مهما كان قيمة عندك قولى حاجه تفوقك انا بعملها
طظ فى اى شئ وفى اى شخص
هو اللى خسران مش انا
تحياتى
سلام
كل وقت وله اذان اوقات امشى وراء عقلك بس لما تيجى تمشى وراء قلبك فكره فى لحظه بعقلك ول اقتنعتنى الغى العقل وامشى بقلبك لاخر الخط كل الى انتى محتاجه ان شاء الله حتلاقيه
وفقا لأراء بعض العلماء
اللي قالوا ان العقل في القلب مش في الدماغ
او حتى لو لم يكن كذلك
امشي ورا نفسك....وخليكي قائده
وكأنك انتي اللي بيتجبريه على انه يمشي في نفس الطريق ده اللي هو عايزه بس باختيارك
فكره حلوه مش كده؟؟؟؟
ارفعي راسك و بصي للسما..و خدي نفس عمييييق...و حبي الحياه
تحياتي
سعودي
ليه الغرق هو اللي انتي مستنياه الحياة أجل من كده بس هو كل الحكاية انها بتمنحنا حاجت مش بنكون محتاجينها قوي في الوقت اللي هي بتكون فيه قدامنا ولما بنحتاجها مش بنلاقيها
متحيريش نفسك بين العقل والقلب لأن اي واحد منهم لوحده ملهوش اي فايدة لازم الاثنين يكملوا بعض
تحياتي
و لية الغرق بس يا بنتى
و الله مش مستاهلة
عيشى لنفسك
عمر ما كان المشي ورا القلب بيوجع بس لو حطينا معاه حاجة صغيرة اوي العقل
لازم العقل مع القلب يكملوا بعض علشان الحياة تكون سعيدة وجميلة
علي العموم اتمني لك حياة اجمل وقلبك الي بيدق ميوديكيش في داهية تاني
عبدالرحمن
حياتنا لابد من مزج العقل بالقلب فيها لاننا لو مشينا ورا القلب بس حنتعب جدا من أي مشكله و لو مشينا ورا العقل بس حنبقي مجرد ميكنه
تحياتي
طولتى لا رديت على التعليقات ولا نزلتى جديد يارب يكون المانع خير
Post a Comment